Kichwa kashpaka Kichwashun
Home
WAKAY / VOZ DEL AVE
Tutamanta urpiku wakakun
Muyuntin muyuntin tushun
Tukuy tullpuwan tukushka
Sisakunawan pantarin
Intiyashka, achiklla
Yaku rirpu shina
Kishpirinkapa chashna pawakun
Killkak: Alliwa Pazmiño
SINCHI WARMI TRANSITO AMAGUAÑA
Mama Tránsito Amaguaña
hatun puriy, yaku kawsak
tukuykunapi kak
Chakiñankunata katishpa
Ashtawan chaki kanchik
Mana sapi kanchik
Kawsaymi sisarishka
Sinchi runakunami kanchik
Ñawpa taytakunata katishpa
Allpamanta, kawsaymanta
makanakushpa
sumak kawsayta charinkapa
Aylluyarishpa kawsachun
Ñukanchik urkukunawan
kawsaymanta
Runa shimikunamanta
Kanpa kaparita katinchik
Shinchi rimak
Akapana shina
Llukllashkapash
Yallinllami
Hatari, rikchari
katishun kishpirinkakaman
Chakilla purita rikushpa
Shina kunan kaypimi kanchik
Kaypimi kanchik shuklla runa
Kanpa yuyayta mana wañuchinkachu
Sinchi warmi ¡KAWSACHUN!
Killkak: Alliwa Pazmiño
KUYANIMARI
MANARAK KUNKASHPA,
KAYNAMANTA UNAYTAMI MANA NISHKANI,
ÑAHAMANTAMI MANA UYASHKANKI,
KAN MANA YACHAKPIPASH,
ÑUKAPI MANA IÑIKPIPASH,
KUTIN KAN YACHACHUN, UYACHUN:
¡KANTAKA KUYANIMARI!
Arawi killkak: Rasu Paza